نهغات بنات

نهفات البنات في عيادات الأخصائيات!

الثقافة السلبية في المجتمع،

كثير من النسوان عندهم برمجة ذاتية في الحياة وواجب تجاه مجتمعها تؤديه ينص على أن: بس أكبر لازم أكون عالة على غيري!والدليل على هذا إنه لما وحدة تتأخر في الزواج أو في الخلفة النساوين بتتطلع عليها بحسرة وألم .. ليش؟ لإنها ما خلفت ولد يحملها في كبرها!وطبعا الطريق لنجاح هذه البرمجة جاهز من يوم ما تصير البنت عروس: أولا: ما بتكتر ملابس غالية لإنه مجرد ما بتحمل وبتخلف مقاساتها راح تتغير وعمرها ما بترجع متل ما كانت !!! (برمجة رائعة)

تانيا: كل ما تيجي تلعب رياضة بعد ما تخلف كل النسوان بتحكيلها: بلا هبل كلنا زيك شو بدك تصيري عارضة أزياء؟

(شوفوا الإصرار على البرمجة)

تالتا:كل ما بتمرض بتحس إنه الدنيا انهدت وإنو العالم كله لازم يوقف جنبها، وبتستنى من أولادها يثبتوا حبهم وإخلاصهم إلها..

(طيب فكري تقاومي المرض بنفسك؟)

النتيجة: أختنا في الله بس يصير عمرها قريب من الأربعين تصبح حطام بشري.. والأدهى: حطام بشري عبارة عن جبال من الدهون والأمراض!قال وأكثر من مرة حكتلنا الأخصائية مواقف بتصير عندها من نسوان عندهم نبوغ مبكر في هذه البرمجة..

شوفوا مثلا.دخلت مرة زبونة وزنها فوق الـ100 كيلو وطولها تحت الـ 155سم.. كانت بتعرج وبتمشي بصعوبة، وكل هموم الدنيا في وجهها.قالت الأخصائية لها: تفضلي يا أختي (كانت بدها تحكي يا خالتي بس قالت شكلها يعني أصغر شوي من إنها تكون خالة) خير إن شاء الله.شو بتعملي بحياتك يختي؟قاعدة في البيت.ما بتطلعي أي مكان؟لا..طيب بتتمشي بين الحين والآخر؟صعب والله.. وضعي الصحي زي ما انتي شايفة ما بسمح.ليش لا سمح الله؟والله وقعت وانكسرت ومن تقل وزني ما التحم الكسر منيح وهيني مش قادرة أمشي..طيب رحت عند أخصائي علاج طبيعي يساعدك؟لا..ليش؟ما في داعي.. قدر ومكتوب علينا (بدأنا الديباجة)طيب عندك أولاد؟لأ..يعني تأخرت في الخلفة وأخذت هرمونات خلت وزنك ينفش هيك؟لأ.. أنا أصلا مش متزوجة! (يا فرحتي، طيب وليش كل هالتعب إذا هيك؟)طيب كم عمرك؟23 سنة!كم ؟؟؟؟؟؟؟؟؟؟

ثلاث وعشرين سنة!!!!!!!!!!!!!!!!!!!!!!!!!!!